練習肌肉鬆弛法嘅時候，最好係一個寧靜嘅環境，安坐在椅裡，背靠椅背，雙手放在身體邊 ，雙腳平放地面，我地而家就一齊開始做肌肉鬆弛練習。
| 標題 | 內容 |
|
請你雙手握拳，有咁實握到咁實，感覺一下前臂肌肉拉緊嘅感覺，停，然後慢慢放開拳頭，又感覺一下前臂肌肉放鬆嘅感覺。放鬆！ |
|
請你雙手屈起，手腕盡量貼近膊頭，收緊手瓜，感覺一下上臂肌肉嘅拉緊，停！然後慢慢將雙手放番落嚟！感覺一下上臂肌肉放鬆嘅感覺。放鬆。 |
|
請你將膊頭縮起，膊頭盡量貼近耳朵，感覺一下頸背同膊頭肌肉嘅拉緊，停，然後慢慢將膊頭放番落嚟！感覺一下膊頭肌肉放鬆嘅感覺。放鬆。 |
|
請你將雙手托著頭後面，然後個頭向後用力，雙手向前推，感覺一下頸部肌肉嘅拉緊。停，然後慢慢將雙手放番落嚟，感覺一下頸部肌肉放鬆嘅感覺。放鬆。 |
|
請你將雙手放喺前額，然後個頭盡量向前用力，雙手向後推，感覺一下頸部肌肉嘅拉緊。停，然後慢慢將雙手放番落嚟，感覺一下頸部肌肉放鬆嘅感覺。放鬆。 |
|
請你將膊頭向後彎，感覺一下背部肌肉嘅拉緊。停，然後慢慢將膊頭放番去原來嘅位置。感覺一下背部肌肉放鬆嘅感覺。放鬆。 |
|
請你將雙腳稍為離地伸直，腳趾尖指向前面，感覺一下腿部肌肉嘅拉緊。停，然後慢慢將雙腳放番响地面。感覺一下腿部肌肉放鬆嘅感覺。放鬆。 |
|
請你將雙腳稍為離地伸直，腳趾尖指向自己，感覺一下腿部肌肉嘅拉緊。停，然後慢慢將雙腳放番响地面。感覺一下腿部肌肉放鬆嘅感覺。放鬆。 |
呢個係一個肌肉鬆弛練習的簡單示範，大家起屋企練習的時候，記得將每組動作最少重複兩次，咁樣你就可以更加有效放鬆肌肉。
